"આટલું ઊંડાણથી ક્યારેય વિચાર્યું ન હતું. સંબંધોમાં જે કડવાશ હતી તેને હું જોઈ શકું છું. એથી મહત્ત્વની વાત ક્ષમાપના તે તમારા માટે છે, નહીં કે સામેવાળી વ્યક્તિ માટે.  હંમેશાં કંઈ મોટી કિંમત ચૂકવવા તૈયાર રહેવું તો જ કંઈક કરી શકશો."

"આ કાર્યશાળામાં અધ્યાત્મ શું છે તેની સાચી જાણકારી મળી."

"આધ્યાત્મિકતામાં મનોવિજ્ઞાનની સમજ અનિવાર્ય છે, તે ખ્યાલ મનમાં દૃઢ થયો."

"અમને અધ્યાત્મની સાચી સમજ મળી છે કે અધ્યાત્મ એટલે ‘પોતાની જાતને જોવાની અને ઓળખવાની’."

"અધ્યાત્મ અંગે અત્યાર સુધી જે ખ્યાલો મનમાં હતા કે મહાપુરુષો જ અધ્યાત્મને સમજે અને જીવનમાં ઉતારી શકે, તેમાં ખૂબ જબરદસ્ત પરિવર્તન આવ્યું. સાચી સમઝણથી જીવન જીવનાર કોઈ પણ વ્યક્તિ બાહ્ય દૃષ્ટિએ સામાન્ય લાગનાર માણસ પણ આધ્યાત્મિક હોઈ શકે છે."

"The workshop gives peace of mind and confidence to do well in life."

"કુટુંબના સભ્યો, વિદ્યાર્થીઓ અને મિત્રોને આધ્યાત્મિકતા તરફ લઈ જવાનાં પગથિયાંના અનુસરણનું જ્ઞાન આપી શકાશે. આપણા જીવનમાં મનના વિજ્ઞાનનું અધ્યયન કેમ અનિવાર્ય છે તેનું જ્ઞાન અમારી સાથે સાથે કુટુંબના સભ્યોને પણ કરાવી શકાશે."

"જીવનને પડકાર સમજીને તેનો સામનો કરતાં શીખ્યા."

"મારા જીવનમાં આવેલી મુશ્કેલીનો સામનો કરવાની મને તાકાત મળી."

"જીવનની મુશ્કેલીઓથી હતાશ થવાને બદલે તેનો ઉકેલ લાવવાનો પ્રયત્ન કરીશ."

"હું અનેક અપરાધભાવથી ઘેરાયેલી હતી. આજે હવે મને લાગે છે કે હું મારી જાતને માફ કરી શકીશ."
 
"શાળામાં વિદ્યાર્થીને સમજવામાં શિક્ષક તરીકેની મારી ભૂમિકાને વધુ શ્રેષ્ઠ બનાવીશ."

"આભારની લાગણી વ્યક્ત કરવાથી પણ વ્યક્તિમાં પરિવર્તન આવે છે."

"જીવનમાં ઘણી બાબતો આપણે પાછળ ચૂકી ગયા છીએ, પરંતુ કાર્યશાળામાં આવ્યા પછી તે બાબતોનું જ્ઞાન થયું. ભવિષ્યમાં એ બાબતો સામે આવે તો શું કરવું તે સ્પષ્ટ થયું."

"હજુ અડધું જીવન બાકી છે અને અત્યારથી જ પ્રયત્નો ચાલુ કર્યા છે તો જીવનમાં સુગંધ જ સુગંધ ફેલાઈ જશે."
 
"ભૂલનો સ્વીકાર કરવો અને તેની માફી માંગવી, જેને કારણે સંબંધોમાં મીઠાશ વધે છે."
 

"મારા બાળકને વચન આપીને નિભાવીશ."

"હવે જે કંઈ કરીશું તે પહેલાં પોતાની જાતથી શરૂઆત કરીશું."

"આ પ્રકારની શિબિરો દરેક માટે યોજાય તો ભવિષ્યમાં તંદુરસ્ત સમાજનું નિર્માણ થશે."

"જીવનને લાંબા દૃષ્ટિકોણથી જોવાની શક્તિ કેળવી અને લાંબાગાળાનું લક્ષ્ય કેળવી શક્યા. ખૂબીવાળી વ્યક્તિઓને જ નહીં પણ ખામીવાળી વ્યક્તિઓને પણ અમારા જીવનમાં સ્વીકારતા શીખ્યા."

"જીવન જીવવાના અભિગમને બદલીને જીવન જીવતાં શીખવી દીધા."

"આ કાર્યશાળાથી અર્થપૂર્ણ જીવન, લાગણીસભર, લક્ષ્યવાળું જીવન જીવવાની પ્રક્રિયા મળી છે."

"ગોલ વિચારતા હતા પછી છોડી દેતા હતા પરંતુ હવે એ ગોલ પર કેવી રીતે આગળ વધી શકાય તેના રસ્તાઓ કેવી રીતે શોધી શકાય તે જાણી શકાયું."

"શિક્ષકસમાજને પણ આ કાર્યશાળાનો લાભ મળે તો તેમની નીચે ભણતા વિદ્યાર્થીઓને ઘણું બધું શીખવા મળે."

"આ કાર્યશાળા શાળાનું DNA બદલવાની ક્ષમતા ધરાવે છે"
 

"I feel it as the life changing process. We are now trying to see ourselves where we stand."

"સારી રીતે શ્રવણકળા કેળવીને પોતાના પ્રશ્નોના હલ કેવી રીતે મેળવવા એનો ખ્યાલ આવ્યો."

"This workshop has again proved as an eye opener for me. The most important lessons learnt for life will definitely add a meaning into my life."
 
"માણસ સિવાય બધું જ બનાવી શકાય તેવી કંપનીઓ ખૂબ ધમધમે છે પણ પોતાના સ્વને ઓળખી સમાજને મદદરૂપ થવાની વાત સ્પર્શી ગઈ છે."

"આ કાર્યશાળા સાચા અર્થમાં મને મારી સ્વની ખોજમાં સફળ બનાવી રહી છે, અને હું ખોવાયેલા મને પુનઃપ્રાપ્તિ કરવાના આત્મિક આનંદની અનુભૂતિ કરી રહ્યો છું."